محمد رمضان: "كنت زمان بضحك من قلبي.. دلوقتي باكل سوشي لوحدي"

شارك الفنان محمد رمضان جمهوره بصورة جديدة عبر حساباته على مواقع التواصل الاجتماعي، جمع فيها بين الحنين إلى الماضي وواقع النجومية الحالي.

وكتب رمضان، عبر صفحته على موقع التواصل الاجتماعي،    قائلًا: "الصور دي فكرتني زمان وأنا واقف قدام محطة المترو مستني صحابي عشان هنروح السينما وبعدها ناكل كشري ونموت من الضحك، ماكنش عندي أي مسئوليات ساعتها غير الدراسة".

وأضاف: "والصورة دي النهاردة قدام مطار الطيران الخاص في لوس أنجلوس، وأنا رايح أغني في كوتشيلا وبتعامل VIP وباكل سوشي في الجو... الحمد لله، بس مابقاش في صاحب زي زمان ولا ضحك زمان".

واختتم قائلاً: "والله ماهزار، لو خيروني بين أيام زمان ودلوقتي، من غير حتى ما أفكر، هختار دلوقتي".